КУЛЬТУРА

 2022-02-21

Сённяшняя дыктоўка, прысвечаная Дню роднай мовы напісана і праверана! Усе аказаліся выдатнымі вучнямі і атрымалі добрыя адзнакі.  Дарэчы, дыктоўкай стаў урывак з ліста Васіля Быкава, які ён пісаў сваёй сяброўцы і зямлячцы, таксама пісьменніцы, Еўдакіі Лось і ў якім выказваў сваё захапленне беларускай душой. У 2024 годзе спаўняецца 100 год з дня народзінаў гэтага выдатнага пісьменніка, што стала нагодай яшчэ раз успомніць яго ў Дзень роднай мовы.


Заняткі беларускай мовы працягваюцца і мы шчыра запрашаем усіх жадаючых далучацца кожны аўторак па адрасе Sandhamnsgatan 8.


Мы ❤️ беларускую мову🥰

 2022-02-12

Мы рады прадставіць вам мурал, прысвечаны Тадэвушу Касцюшку, нацыянальнаму герою Беларусі, Літвы, Польшчы і ЗША, а таксама ганароваму грамадзяніну Францыі. Касцюшка, вядомы сваёй роляй у барацьбе за свабоду як у Рэчы Паспалітай (сучасныя Беларусь, Літва і Польшча), так і ў Амерыканскай рэвалюцыйнай вайне, з'яўляецца сімвалам адвагі і адданасці свабодзе і справядлівасці.
У гонар дня нараджэння Тадэвуша Касцюшкі мы запрашаем грамадскасць на ўскладанне кветак да гэтага мурала каля ўваходу ў НК, Regeingsgatan 40 у Стакгольме. Мурал знаходзіцца недалёка ад месца, дзе Касцюшка жыў падчас свайго прабывання ў Швецыі на шляху з Расійскай імперыі ў ЗША.


У рамках мерапрыемства адбудзецца выступ хору «Апріль», які выканае песню «Муры». Запрашаем усіх далучыцца да гэтага моманту разважанняў і павагі да чалавека, чыё жыццё было прыкладам барацьбы за правы чалавека і свабоду.
Прыходзьце каб з намі ўспомніць і ўшанаваць Тадэвуша Касцюшку.

 2023-12-22

Палічка дзіцячых кніг на беларускай мове.


у бібліятэцы Rum för barn i Kulturhuset. Вось так утульна і цікава можна прабавіць час сярод кніг на розных мовах і яшчэ шмат чаго цікавага зрабіць у гэтым цудоўным месцы. Раім дзеткам усіх узростаў, таксама і бацькам - прыходзьце чытаць кнігі і браць іх дамоў на пэўны час !

 2023-12-20

Дарагія сябры!


Беларусы Швецыі віншуюць вас з надыходзячым Раством і Новым Годам і запрашаюць вас на Каляды!


6га студзеня мы збіраемся, каб адзначыць самае таямнічае свята года разам. Вас чакаюць вясёлыя прыгоды з Каляднай Казой, конкурсы і гульні. Вы зможаце пачаставацца лёгкімі закускамі, напоі бярыце з сабой. А таксама прыносьце святочны настрой і калядныя песні (абавязкова). Пераходзьце па спасылцы, каб зарэгістравацца:


https://www.eventbrite.com/e/773840857837?aff=oddtdtcreator

 2023-12-19

А ці ведаеце вы беларускія народныя традыцыі Калядаў: як беларусы раней адзначалі Каляды, што елі, што пілі, якія песьні сьпявалі, як бавілі калядны час?
Прайдзіце тэст і падзяліцеся з намі вашымі вынікамі


https://www.svaboda.org/a/32743075.html



 2023-11-10

Знакаміты беларускі бард Зміцер Вайцюшкевіч ў Стакгольме!


.Вядомы таксама пад мянушкай Тодар, Зміцер Вайцюшкевіч удзельнічаў у культавых гуртах KRIWI і Палац, а зараз лідар і кіраўнік гурту WZ-Orkiestra.

 2023-10-31

Сёньня — Ноч расстраляных паэтаў, і мы ўшаноўваем памяць больш за 100 беларускіх пісьменьнікаў, дзеячаў культуры і прадстаўнікоў беларускай інтэлігенцыі, расстраляных сталінскімі чэкістамі у менскай турме 29-30 кастрычніка 1937 году.


Жыве Беларусь!

 2023-09-21

Сябры! Кожную сераду ў дзіцячай бібліятэцы (Rum för barn) у Kulturhuset (Стакгольм) праходзіць чытанне казак на дзвюх мовах — шведскай і яшчэ якой-небудзь.

Запрашаем самых маленькіх паслухаць казку на беларускай мове 22 лістапада, а 16:30.


Тут вы знойдзіце спіс усіх казак, якія будуць чытацца на дзвюх мовах:
https://kulturhusetstadsteatern.se/barn-ung/bok-och-sprak

 2023-09-19

Верасень у гэтым годзе атрымаўся ў нас багатым на падзеі і культурніцкія імпрэзы.
Учора прайшоў унікальны ўоркшоп па беларускім народным танцы пад акампанемент беларускай дуды і варгана. Мы даведаліся пра асаблівасці гэтых цудоўных музычных інструментаў, паглыбіліся ў гісторыю беларускага танца, пачулі шмат цікавостак пра беларускую культуру, патанчылі і правялі цудоўны вечар!
Выказваем шчырую падзяку майстру Burnosenka Aliaksej , ягонай жонцы Настассі і маленькаму Альгерду, а таксама Studieförbundet Vuxenskolan і асабіста Olga Biba за цудоўнае памяшканне, і ўсім, хто прыйшоў і зрабіў гэты вечар па-сапраўднаму цёплым.
















Сябры!


“Цудоўнае падарожжа Пыхыча і Шустрыка па Беларусі і яе гісторыі” працягваецца!  Прыемнага прагляду/праслухваньня і да новых сустрэчаў!


Глава 9:
https://www.youtube.com/watch?v=cstEQiYwY0E



Глава 10:
https://www.youtube.com/watch?v=B-dbvVwxISY

 2023-05-1

Да нас завітаў Белсат, каб зрабіць шэраг рэпартажаў пра беларусаў у Швецыі. Нас стала так шмат у розных краінах, што нам самім ужо цікава, як жывуць беларусы за межамі сваёй Радзімы. Глядзіце чарговы выпуск праграмы "Беларускі свет" па спасылцы ніжэй:


https://youtu.be/lL4JLeSNQC0

 2023-05-1

 2023-04-20

Прэм’ера спектакля-чыткі «Бяляцкі, прасі літасці!» запланавана на 20 красавіка ў Каралеўскім драматычным тэатры «Драматэн» у Стакгольме.


🔸У межах праекта «Драматэн.doc» чацвёра артыстаў прадставяць інсцэніроўку паводле твораў «Бяляцкі, пішыце прашэнне аб памілаванні» праваабронцы Алеся Бяляцкага « і «Зэкамерон» адваката Максіма Знака. Нагадаем, што яны абодва зараз з’яўляюцца палітычнымі зняволенымі.


🔸Аб прэм’еры і праекце мы пагутарылі з мастацкім кіраўніком тэатра «Драматэн» Дзмітрыем Плаксам:

— Чаму я спалучыў гэтыя два творы? Таму што мне падалося, што яны дапаўняюць адзін аднаго вельмі цікавым чынам. Бо для Бяляцкага турма і адсідкі – гэта частка яго жыцця. Гэта яго выбар свядомы.


Працяг чытайце далей на сайце:
https://radiounet.fm/pra-belaruskuyu-turmu-slovami-alesya-byalyaczkaga-i-maksima-znaka-u-shveczyi-pakazhucz-spektakl-byalyaczki-prasi-litasczi/

 2023-04-17

Сябры!
“Цудоўнае падарожжа Пыхыча й Шустрыка па Беларусі і яе гісторыі” працягваецца! На гэты раз яно выдалася на ўсе 100% палескім. Падрабязнасьці ў гэтым відэа. Прыемнага прагляду/праслухваньня і да новых сустрэчаў!


Глава 7:
https://www.youtube.com/watch?v=VrtM2quHFiQ

 2023-01-31


Усім прывітанне!


«Беларусы Швецыі» вырашылі пацешыцца самі, а заадно пацешыць і адукаваць малалетніх дзіцянят.
Як адзін са шматлікіх магчымых крокаў да дадзенай мэты ,было вырашана запісаць дзіцячую аўдыёкніжку пра Беларусь, яе геаграфію і гісторыю, ну ,кшталту , як пра Швецыю ёсць кніжка «Чароўнае падарожжа Нільса з дзікімі гусямі».

Калі
1) Вы ўмееце ўслых прачытаць хаця б пару слоў, або
2) у Вас ёсць хоць нейкі досвед у запісванні і/ці рэдагаванні гуку, ці
3) Вам проста прыкольна пацешыцца ў добрай кампаніі,
то мы будзем Вам вельмі рады ў любы дзень, калі адбываецца запіс.



Добрай раніцы, сябры! Трошкі гісторыі пра назву нашай краіны:


https://belsat.eu/news/16-12-2023-hto-prydumau-nazvu-nashaj-krainy-i-chamu-belarus-a-ne-belorussiya-tsi-weisrussland-dy-baltkrievija?fbclid=IwAR06KYdIZb-1nI3PZp4ss3Gi-UIVSYBZ8oCUR7MS64ojPINFs40bcR-oCq0

 2023-04-20

Сябры!


“Цудоўнае падарожжа Пыхыча і Шустрыка па Беларусі і яе гісторыі” працягваецца! А магло і скончыцца – разам з жыцьцём галоўных герояў, якія сустрэлі вельмі злую пачвару... Але, дзякуй Богу, усё абышлося, і каты зноў убачылі шмат цікавага: цудоўную прыроду, адзін вельмі прыгожы горад, а ўначы – прыгажуню вялікую княгіню, якая была замежніцай, але вельмі клапацілася пра нашую краіну! Падрабязнасьці ў гэтым відэа. Прыемнага прагляду/праслухваньня і да новых сустрэчаў!


Глава 8:
https://www.youtube.com/watch?v=eVadeqpOP1w

 2023-02-07

 2022-12-31

 2022-09-28

NaviBand у Стакгольме!


Беларусы Швецыі, для вас падарунак! Напярэдадні Дня Волі, 21 сакавіка ў Стакгольме выступіць беларускі гурт NaviBand. Вядомыя ўсяму свету пасля ўдзелу ў Еўрабачанні, а сёння любімыя беларусамі ў эміграцыі!


Увага: абмежаваная колькасць квіткоў, спяшайцеся! Удзельнікаў камернага канцэрта чакае after party з музыкантамі.

NaviBand прапануюць танны квіток тым, хто не можа дазволіць сабе набыць поўны, а таксама опцыю donate з больш дарагім квітком.


Квіткі тут: https://www.eventbrite.com/e/naviband-tickets-529149328887


https://fb.me/e/2xSWvexv1

 2023-01-07

З Раством, сябры!


Дзякуй за ўчорашні вечар усім, хто быў з намі, за калядныя песні і настрой! Асаблівая падзяка Ludmila Christeseva за тое, што пусціла нашу не маленькую кампанію пакалядаваць у сваю галерэю!


Было файна🤩🤩🤩

Дзякуй тым, хто прыйшоў учора на сустрэчу з прадстаўнікамі сучаснай беларускай літаратуры Юліяй Цімафеевай, Альгердам Бахарэвічам і выдаўцом Андрэем Янушкевічам. Тых, хто яшчэ не чытаў Бахарэвіча, чакае цікавае падарожжа ў іншую Беларусь - крыху міфічную, вельмі таямнічую і загадкавую, сустрэча з персанажамі, якія, напэўна, ёсць у кожнага ў асяроддзі, а таксама адчуванне асалоды перачытвання і захаплення ад таго, як Альгерд умее плесці карункі са слоў, устаўляючы ў фразы прыказкі, радкі з вядомых фраз, трасянку і лаянку 😁
Дзякуй Юліі, што пазнаёміла нас са сваёй творчасцю.
Дзякуй Андрэю за яго працу.
Дзякуй тым, хто арганізаваў сустрэчу

 

 2022-09-03

Сябры!

Мы, аказваецца, выдатна гуляем у баскетбол🤣. Самі таго і не ведалі, вось дзякуй Kaце Сныцінай, якая прыехала і пагуляла з намі. Два матча на два кальца праляцелі хутка, але прапацелі мы нядрэнна. Зразумелі адно: трэба больш займацца спортам! Гэта і весела, і для здароў’я добра.
Дзякуй усім, хто прыйшоў і выкладаўся на пляцоўцы па поўнай! І, канешне, падзяка нашаму трэнеру, самаму гуманнаму і справядліваму. Каця, прыязджай да нас хутчэй зноў! 

 

 2022-08-30

Сённяшні вечар з Дзмітрыем Строцавым быў пра Беларусь - кожны яго аповед зноў нагадаў пра нашу барацьбу з дыктатарам, з рэжымам. Нешта было сказана адным - дзвума сказамі, недзе боль выплюхваўся, здавалася, праз край ліста паперы. Пад кожным аповедам дата …. Цяжка слухаць, бо ўсе успаміны яшчэ свежыя…
У чарговы раз разумееш - мы рабілі ўсё, што маглі. І зараз працягваем рабіць тое, што можам дзеля нашай роднай Беларусі, патрохі, але кожны.
Дзякуй Sveriges Författarförbund , які арганізаваў гэты вечар, перакладчыку размовы з паэтам, Dmitri Plax - перакладчыку вершаў на шведскую мову і ўсім прысутным.

 

 2022-07-21


Учора прайшла анлайн прэзентацыя дзіцячай кнігі «Цудоўнае падарожжа Пыхыча й Шустрыка па Беларусі і яе гісторыі» аўтара Макса Разянкова.


Беларусы Швецыі выказваюць шчырую падзяку аўтару за чароўныя хвіліны, якія мы перажылі разам пад час прэзентaцыі. Падарожжа дзьвух катоў атрымалася вясёлым, поўным прыгод і гістарычных фактаў, спрытна ўпісаных у апавяданне.


Пачытаць кнігу можна па спасылцы ніжэй:


https://www.facebook.com/cudounajepadarozza


Прыемнага чытання🤍❤️🤍


 

 2022-07-04


У пятніцу адбылася прэзентацыі кнігі "Нацыянальная ідэя на маршы".


Разам з аўтарам кнігі Зміцер Лукашук, рыжысёр Дзмітры Плакс і былая старшыня БШ палітолаг Леся Руднік паразважалі наконт таго, як на нацыянальную ідэю ўплывае вайна ва Украіне, чаму фармаванне нацыянальнай ідэі – доўгі і дынамічны працэс. Прэзентацыя прайшла ва ўтульнай атмасферы.


Наша арганізацыя ўдзячная за дапамогу ў арганізацыі мерапрыемства Nordic Ukraine Forum i Swedish Network for EaP and Russia.

 

 2022-06-03


Учора мы вельмі прыемна і весела адсвяткавалі Купалле.


А святкавалі мы яго з прыемнай музыкай, беларускімі і швецкімі гульнямі, у якіх удзельнічалі шмат жадаючых, традыцыйнымі абрадамі Купалля, як пошук папараць-кветкі, пляценне вянкоў і варажба на іх.

Work-shop па народнаму танцу Лявоніхе стаў, напэўна, адным з галоўных момантаў свята.

Ну а бесклапотныя размовы, новыя знаёмствы і цудоўнае надвор'е зрабілі свята яшчэ больш прыемным.

Дзякуй усім, хто прыйшоў на свята і дапамог зрабіць яго па-сапраўднаму душэўным.

Спадзяемся на наступныя сустрэчы на нашых мерапрыемствах!


 

 2022-06-03

Учора вечарам Беларусы Швецыі сабраліся на чарговы "пасляпрац". Смачнае піва, прыемныя суразмоўцы, цікавыя тэмы для гаворкі – што яшчэ патрэбна вечарам у чацвер? 


Усім прыемнага дня і выходных!

 

 2022-05-1

Сёння адбылася экскурсія па музею Васа, арганізаваная Беларусамі Швецыі для нашых сяброў з Украіны.


Мы спадзяемся, што ўсім спадабалася і што мы хоць трошкі змаглі падняць настрой людзям, якія маюць зараз вялікую патрэбу ў падтрымцы і клопаце.

 2022-04-22

Дарагія сябры!


Віншуем усіх праваслаўных з надыходзячым светлым святам Вялікдня !🐣🌞
Рада Беларусаў Швецыі зычыць у кожны дом міра, святла, дабрыні і веры!

 2022-04-18

Беларусы, украінцы, эстонцы, літоўцы і латышы весела разам адсвяткавалі  Вялікдзень❤️


Акрамя традыцыйнай расфарбоўкі пасхальных яек, мы пазнаёміліся з пасхальнымі традыцыямі сваіх суседзяў, паспрабавалі традыцыйныя пасхальныя пачастункі, пусціліся ў пляс, паспявалі❤️❤️


Было прыемна сустрэцца такой вялікай суполкай, пазнаеміцца адзін з адным і павабіць час у прыгожым будынку Эстонскага Дому.
Дзякуй усім арганізатарам і гасцям!


Glad Påsk!❤️❤️❤️

 2022-03-25

З Днём Волі, Беларусы!


25 сакавіка 1918 года была абвешчана першая беларуская незалежная дзяржава. Менавіта тады з’явіліся сімвалы бел-чырвона-белы сцяг, Пагоня і дзень незалежнасці! Сёння гэтыя сімвалі аб’ядноўваюць беларусаў па ўсім свеце, адлюстроўваюць барацьбу беларусаў за свабоду і каштоўнасці!

Нягледзячы на рэпрэсіі, прыгнёт і спробы задушыць гэтыя каштоўнасці з боку беларускіх уладаў, мы, беларусы па ўсім свеце, працягваем быць разам! Разам за свабоду! Разам за дэмакратыю! Разам за шчаслівую Беларусь!


З Днём Волі!

 2022-03-13

 2022-03-10


Фiльм беларускага рэжысёра Аляксея Палуяна "Courage" перамог на шведскім кінафестывалі дакументальных фільмаў:


https://www.facebook.com/100000775733863/posts/4815257345176742/?d=n


Самыя гарачыя віншаванні Аляксею і поспехаў у наступных праектах! Дзякуй за фільм і за перамогу!

Учора ў кінатэатры Viktoria, у Стакгольме, адбыўся паказ дакументальнай стужкі беларускага рэжысёра Аляксея Палуяна "Сьмеласьць" (Courage).


Гэта было адначасова і страшна, і весела, і цяжка. Страшна, таму што ў фільме паказаны першыя дні пасля выбараў; весела, таму што галоўныя героі нават у складаных умовах беларускай рэальнасці захавалі здольнасць да гумару; цяжка, таму што калектыўная траўма, якую мы атрымалі, не загойваецца. Таксама сумна глядзець на менскія вулачкі і паркі, такія знаемыя і родныя, але насамрэч недасяжныя для многіх з нас сёння.


Калі вы не былі на паказе ўчора, вельмі раім завітаць на апошні ў Стакгольме паказ, які адбудзецца ў суботу, у кінатэатры Zeta, а 19 гадзіне. Вас чакае калейдаскоп пачуццяў і магчымасць пагутарыць з аўтарам фільма.


Квіткі можна набыць тут:
tempofestival.se


 2022-03-07


Сябры,


Нагадваем пра паказ фільма Аляксея Палуяна пра беларускія пратэсты. Паказ адбудзецца ў Стакгольме, 9 сакавіка, у 19:30, у кінатэатры Victoria, што на Götgatan 65. Пасля паказу фільма ў нас будзе магчымасць сустрэцца с рэжысерам, пагутарыць і паставіць пытанні.


https://www.omvarlden.se/nyheter/drommen-om-ett-fritt-belarus-faller-med-ukraina?fbclid=IwAR3G_M3A--DP4vAFN9fqJrqXiqmwhP4iCkLHOt2_RX2HEAHScY1DAT2tgQg


Сардэчна запрашаем!


Больш інфармацыі пра фільм, а таксама пра тое, дзе можна набыць білеты глядзіце на ФБ:


https://facebook.com/events/s/visning-av-filmen-courage-stoc/1660706497600159/


Альбо набывайце білет на сайце кінафестывалю:


tempofestival.se