Арганізацыя
Беларусы Швецыі

Сардэчна запрашаем у арганізацыю Беларусы Швецыі

Арганізацыя Беларусы Швецыі была заснавана 24 кастрычніка 2009 года.

Ужо больш за 10 год мы імкнемся:

аб’ядноўваць беларусаў, якія жывуць у Швецыі,
дапамагаць беларусам у Беларусі,
распаўсюджваць веды пра Беларусь у Швецыі.

У 2019 годзе мы паспяхова дамагліся змены назвы нашай краіны на шведскай мове
з Vitryssland на Belarus!

У 2020 годзе ў нашай арганізацыі ўзніклі філіялы па ўсёй Швецыі:
на поўдні, Захадзе, на поўначы.

Колькасць чальцоў арганізацыі у 2020 годзе вырасла больш, чым у дзесяць разоў -
з 18ці да больш чым 200 чальцоў.

Мы працягваем працу над іміджам Беларусі ў Швецыі,

наладжваем сувязі са шведскімі прадстаўнікамі культуры, палітыкі, медыя.

Падтрымай нас і далучайся!

НАВIНЫ

Глядзі больш навін на нашай старонцы ў ФБ

20, Лістапада 2022

Сябры,

Некаторы час таму мы рабілі апытанку наконт жадання вывучаць беларускую мову ў навучальных установах Швецыі ў форме modersmåls undervisning.
Выказваем вялікую падзяку за вашы адказы. Абсалютная большасць рэспандэнтаў зацікаўлена ў вывучэнні мовы, што натхняе нас на далейшую працу ў гэтым напрамку.

Працэс атрымання навучальных гадзін modersmålsundervisning працуе так: бацькі пішуць заяву на modersmålsundervisning у навучальнай установ, едзе навучаецца іх дзіцё. Калі ў камюне набіраецца мінімум 5 вучняў, якія хочуць вывучаць родную мову ў фармаце modersmålsundervisning, камюна пачынае шукаць настаўніка. Наша арганізацыя зараз у кантакце з камюнамі і мы спадзяемся, што дзякуючы гэтай супрацы, выкладанне беларускай мовы стане магчыма!

Так, як першы крок у працэсе - гэта падача заявы ад бацькоў, мы заклікаем усіх, хто зацікаўлены ў гэтым, падаць заяву. Чым больш заяў атрымаюць камюны, тым хутчэй пачнецца арганізацыя
modersmålsundervisning. Мы вельмі разлічваем на вашу актыўную дапамогу ў гэтай справе! Разам у нас абавязкова атрымаецца🤍❤️🤍

І не забывайце пра зваротную сувязь!
Пішыце нам у каменты і на info@sverigesbelarusier.eu, калі ў вас ёсць пытанні ці прапановы.

7, Кастрычніка 2022

Нобелеўская прэмія міру Алесю Бяляцкаму!

З Нобелеўскай прэміяй міру, Алесь!🤍❤️🤍 З Нобелеўскай прэміяй, беларусы! Віншуем усіх нас з тым, што барацьба беларусаў за правы чалавека і дэмакратыю атрымала ў асобе Алеся, найвышэйшую адзнаку. Падзяка Юліі Лапіцкі за кранальныя словы пра Алеся і яго працу ў сённяшнім эфіры SVT, прысвечанаму лаўрэатам прэміі міру, . 🤍❤️🤍

28, Красавіка 2022

Больш навiн

Сябры!

26га сакавіка адбыўся штогадовы сход нашай суполкі, на якім была выбрана Рада 2022 году.

Знаёмцеся з новай дзеючай Радай нашай суполкі!

Старшыня Рады: Вікторыя

Сябра Рады з 2021 году. Родам з Менску. Жыве ў Стакгольме з 2002 году. Мае эканамічную адукацыю i працуе па спецыяльнасцi. Супрацоўнічае з і займаецца актыўным прасоўваннем інтарэсаў Беларусі ў Швецыі.

Скарбнік Рады: Галіна

Сябры Рады:

Дзмітрый

Са снежня 2020 году ўваходіць у Раду БШ. З Віцебску, у 1996-м годзе скончыў факультэт прыкладной матэматыкі і інфарматыкі БДУ.

Ларыса.

Сябра Рады з 2021 году. Родам з Наваполацка. Дызайнер адзення. Займаецца культурнай дзейнасцю.

Кацярына

З снежня 2020 была скарбнікам БШ.

Юрый

Новы сябра Рады. Нарадзіўся ў Мінску, прафесійны дыпламат. У Швецыі з 2004 года, у 2016 заснаваў згуртаванне Беларусаў Швецыі. Асноўная праца ў галіне арганізацыйнага кансалтынгу ў Стакгольме.

Аляксандр

Новы сябра Рады. Нарадзіўся ў Мінску, у Швецыі з 2011 году. Мае эканамічную адукацыю. Працуе ў сферы інтэрнацыянальных рэфармацый.

Намеснікі Рады:

Святлана

Была сябрай Рады ў 2021 годзе. Нарадзілася ў Менску, з 2002 году жыве ў Стакгольме. Па адукацыі выкладчык пачатковай школы.

У наступных пастах мы падзелімся больш падрабязнай інфармацыяй пра планы Рады на бягучы год. Кожны з вас зможа далучыцца да працы з намі! Сачыце за навінамі!